أشعلت أسما شريف منير ابنة الفنان شريف منير جدلا واسعا على مواقع التواصل الاجتماعي بعدما نشرت صورة جريئة وسرعان ما حذفتها بعد حملة الهجوم عليها، لتتصدر تريندات السوشيال ميديا.
واضطرت أسما لتنشر صورة أخرى لها على صفحتها بانستجرام مرفق بها اعتذار لمتابعيها عن الصورة الجريئة، قائلة: “أنا مسحت الصورة اللي فاتت، وقلت أنزل دي، بس عشان ساعات شيطاني بيغلبني زي باقي البشر، وساعات بحس بالذات بعد ما خسيت إني عايزه ألبس لبس حلو وبناتي كده، وأفرح أني بقى شكله حلو عليا”.

وأضافت أسما شريف منير: “بس الصح صح مش هقاوح، أنا اصلا مش بحب ألبس لبس مكشوف في العادي، بس انجرفت ورا الدنيا اللي مش باقية، فاهقاوم الإحساس ده وهركز مع نفسي وفي لبسي أكتر.. وهحاول أنقي لبس يكون معتدل وحلو، عشان أشجع نفسي والبنات اللي بتتابعني أنهم يلبسوا لبس حلو في نفس الوقت مش مفتوح، مش عيب إن الواحد يعترف بغلطه، وطول الوقت يحاول إنه يبقي أحسن”.